mare plaia

Quannu ‘nta lu cori mi veni n’gran votu,

scappu e veggnu ca’, ‘nta stu beddu locu.

Ca’ rinesciu a stari sula ccu mia stissa

pirchì attornu a mia nun c’è nuddu ca mi fissa.

Parru a vuci iauta ccô mari e che so’ pisci,

forsi pirchì criru ca iddu mi capisci.

E comu mi capisci e macari mi cunsigghia,

e mi tratta veramenti comu fussi la so’ figghia.

Li unni ca mi manna pi darimi risposti,

sunu assai diversi quannu arrivunu a li costi.

Si u mari è siddiatu pi na cosa ca ci rissi,

manna n’unna iauta dô prufunnu di li abissi.

A li voti è d’accordu cu tutti i me’ pinzeri,

ppi chistu manna n’unna ca m’accarizza sulu i peri.

Ora ti salutu o beddu mari miu,

Purtannuti ppi sempri ‘nfunnu ô cori miu.