708
(porto di ognina)
E ti viru di luntanu,
attraversu li ricordi,
alleggiu, alleggiu,
iu ti pensu,
ranni mari immensu.
E lu sgrusciu di na unna,
intra l’acqua azzurra, azzurra,
pari ca ti culla.
Assittata ‘n riva o mari,
cu li tanti cosi ri fari,
passavu ca lu tempu
aspittanu u giustu mumentu.
E già di picciridda
iu dicìa:” U me mari mi cunsigghia!”
E pari u sapivi ca a luntananza ni chiamava,
ma mai ci rissi ca ndo me mari nun turnava!
Co cori a milli e li razza aperti,
ti sentu ndo me corpu comu na forza putenti.
Pirchì tanta forza, Tu, mi manni,
pi putiri iri avanti.
E ricorda ca ti pensu sempri,
propriu comu a la nostra genti.
Ora t’abbrazzu Ranni Maestru
e ti ricu: “Ciao a prestu!”
